Bukut bahul anang ulo, nga kaangay kang lobo
Kon kang mga pagdayaw ginahuyupan ko;
Malabug anang pisi, bukut lang anang pisot,
Para may panghigot sa gamo nga mapudyot.
Kamaan maghibi sa kasubu kag kabudlay,
Bagnas ang pagharakhak kon kami ‘gakalipay.
Nagabato sa sipal, bisan sa sunloganay,
Kag ginabaton man ako, pananglit magkulang;
Malapad kag matibsol anang braso kag dughan,
Nga daw nagalinog kon kami ang mag-kuwan;
Dungan kami magsalum kon sa mga problema,
Dungan man nga magbutwa, ‘galagas kang ginhawa.
Dungan kami magturog, dayon nga magahandum
Kang pagbagtik kang asin sa mga dughan namun.
No comments:
Post a Comment